أخبار وطنية ألفة يوسف تعلق على ما قيل حول المثلية الجنسية في تونس
علقت الأستاذة الجامعية ألفة يوسف -مستعملة أسلوب السخرية- على ما قيل حول المثلية الجنسية في تونس وإنتقدت النفاق الموجود في البلاد قائلة:
"ما ثمة حتى بلاد عربية تنجم تلقى فيها إحصاء للمثليين... شعوب منافقة عموما وخايفة خصوصا، وهذا موش حكم لأنو الخوف في ها الحالات عندو مبرر، وتحب البشر يحكيو على ميولهم الجنسية؟ هذا كان أمكن أصلا تصنيف ميولات البشر بها السهولة المخلّة...
ووه على بابا، نفس المنطق يعني انك تنجم في تونس تعمل إحصاء لعدد العاجزين جنسيا (اللي يدخلو ضمنهم جماعة القذف المبكر) وتعمل احصاء للي عملو عمليات رتق بكارة وإحصاء للي عملوا علاقات جنسية وهوما معرسين؟؟
فبحيث، اللي قالوا الشاب التونسي البارح في نسمة مجرد توقعات، قلقت بعض الناس... آما الحقيقة أحنا ميا في الميا غيريين، ورجالنا ميا في الميا فحولة، وبناتنا ميا في الميا عذراوات، ونسانا ميا في الميا قطاطس مغمضة... واحنا ميا في الميا أحسن شعب في الدنيا...
تفدلك انت، رانا بلاد عربية إسلامية عندها تقاليدها وعراقتها... آما كل ليلة يهدو علينا برش همّال من بلاد الكفار (حاشاكم) يحلو المواقع الإباحية من تونس، ويخليو ترتيبنا بين الدول العربية الاسلامية الاولى اللي تتفرج في البورنو، وتتكلم في شيرة وتعيش في شيرة...
ويحيا النفاق في بلاد الطررني"...
